Երգչուհի Մարին ստեղծագործական տևական դադարից հետո վերսկսել է երգարվեստի ոլորտում իր աշխատանքները:

Այս մասին Life.panorama.am-ին տեղեկացրեց ինքը՝ Մարին, ով ընդամենը մի քանի օր առաջ է ավարտել  ուսումը Վ.Բրյուսովի անվան լեզվաբանական համալսարանում՝ ստանալով  բակալավրի աստիճան: Նա մտադիր է նաև մագիստրոսի աստիճան ստանալ, սակայն՝ մեկ այլ բուհում՝ մասնագիտանալով  Մարի երգչուհուն և հաղորդավարուհուն  հոգեհարազատ ոլորտում:

«Ուսմանն առնչվող  կարևոր փուլ անցա, այնքան զբաղված էի, որ նույնիսկ տանից դուրս չէի գալիս: Երկարատև դադարից հետո երեկ միայն բեմ բարձրացա՝ որպես հանդիսավար՝ Երեխաների պաշտպանության օրվան նվիրված համերգի շրջանակներում»,-մեզ հետ զրույցում նշեց նա:

Երգչուհու խոսքով՝ իր ստեղծագործական կյանքում նոր շրջան է սկսվել,  իսկ տարվող աշխատանքների արդյունքը կերևա մի քանի ամսից. «Առաջիկայում նոր համագործակցություն է սպասվում, նոր երգեր կան, որոնց վրա աշխատում եմ, բայց փակագծերը դեռևս չեմ բացի»,-տեղեկացրեց երգչուհին:

Արման٠Հարությունյան, ArmLur.ru