ԱՄՆ-ի Սենատը քննարկում է Ռուսաստանի դեմ ուղղված պատժամիջոցները, հաղորդում է «Associated Press»-ը: Գործակալությունը հնարավոր պատժամիջոցներն անվանում է ամենախիստը Սառը պատերազմի ժամանակներից ի վեր, սակայն նշում է, որ օրինագծում ռուսական բանկերի եւ էներգետիկ կոնցերնների շահերը չեն շոշափվում՝ հավանական է մարտի 13-ին ՌԴ արտգործնախարար Սերգեկ Լավրովի հետ կայանալիք հանդիպման նախօերին ԱՄՆ-ի պետքարտուղար Ջոն Քերրիին հնարքների ազատություն տալու համար: Պատժամիջոցներ կկիրառվեն այն ռուս պետպաշտոնյաների նկատմամբ, ովքեր սենատորների կարծիքով, մասնակցել են Ուկրաինայում առկա կոռուպցիային:

Նշենք, որ օրինագիծը ներկայացրել է դեմոկրատ սենատոր բոբ Մենենդեսը, ով հայտնի է Հայաստանում որպես Հայոց ցեղասպանության ճանաչման կողմնակից: «Պուտինը սխալվեց իր հաշվարկներում միջազգային հասարակության հետ «ռուսական ռուլետկա» խաղալիս: Սակայն մենք թույլ չենք տա միջազգային իրավունքի խախտում»,- հայտարարել է Մենենդեսը:

Ռուսաստանի նկատմամբ պատժամիջոցներից բացի օրինագիծը թույլ կտա Սպիտակ տանը 1 մլրդ դոլար հատկացնել Ուկրաինայի նոր կառավարության վարկային երաշխիքներ տրամադրելու համար եւ ավելցավել Արժույթի միջազգային հիմնադրամի վարկային հնարավորությունները: