Մայիսի 6-ին Արամ MP3-ն իր ելույթով կբացի “Եվրատեսիլ 2014”-ի առաջին կիսաեզրափակիչ փուլը: Այս օրերին երգիչ-հումորիստը Դանիայի մայրաքաղաքում մասնակցում է տարբեր նկարահանումների, հարցազրույցներ տալիս, փորձեր ու հանդիպումներ ունենում մյուս երկրների ներկայացուցիչների հետ:

Արամ MP3-ի երկրորդ փորձը "եվրատեսիլյան" բեմում

BRAVO.am-ն արդեն տեղեկացրել է “եվրատեսիլյան” բեմում Հայաստանի ներկայացուցչի առաջին փորձի մասին, այսօր արդեն Արամը ներկայացել է բեմական հագուստով: Ինչպես հաղորդում է Eurovision.tv կայքը, նա ելույթից առաջ նշել է` սովորաբար, դժվար է առավոտյան անմիջապես երգել, եւ այս անգամ շուտ է արթնացել ու ձայնային վարժություններ արել:

Արդեն հայտնի է, որ “Not Alone” երգը կատարող երգիչը բեմում կլինի միայնակ, կկրի մուգ մոխրագույն տրենչ, որին փակցված է հայկական եռագույնով ադամանդաձեւ բրոշ, սեւ կաշվե ձեռնոցներ եւ սեւ երկարաճիտ կոշիկներ: 

Արամ MP3-ի երկրորդ փորձը "եվրատեսիլյան" բեմում

BRAVO.am-ը կապ է հաստատել Արամ MP3-ի բեմական հագուստի դիզայներ Արամ Նիկոլյանի հետ, որը մեզ հետ զրույցում պատմել է, թե նախապես քննարկել են սեւ տրենչի տարբերակը, բայց, ի վերջո, որոշել են` մոխրագույնն ավելի համապատասխան է.“Նախնական սեւ տարբերակը Դանիա չեն տարել: Երբ քամու ընթացքում մոխրագույն շերտը վերեւ է բարձրանում, երեւում է երկրորդ` սեւ դետալը: Այն պատրաստված է բրդից եւ մետաքսից եւ արհեստական կաշվից”:

Հայաստանի դրոշը խորհրդանշող կրծքազարդը պատրաստել է դիզայներ-ոսկերիչ Նուռը: Նա մեզ հետ զրույցում հայտնել է, որ օգտագործել է կարմիր նռնաքար, կապույտ կարպետի կտոր եւ նարնջագույն տուֆ:

Արամ MP3-ի երկրորդ փորձը "եվրատեսիլյան" բեմում

Տեքստը` Լիանա Մեյթարջյանի

Արման٠Հարությունյան, ArmLur.ru