Եթե ուժեղ ֆուտբոլիստ ես, ապա պետք է կարողանաս քեզ դրսեւորել ցանկացած խաղում, հայտարարել է Մոսկվայի «Սպարտակի» եւ Հայաստանի հավաքականի կիսապաշտպան Արաս Օզբիլիսը: Սամարայի «Կռիլյա Սովետովի» նկատմամբ հաղթանակից հետո 24-ամյա կիսապաշտպանը հայտարարել է, որ դժգոհ է իր խաղից, ինչպես նաեւ մեկնաբանել է լուրերը, թե անգլիական «Մանչեսթեր Յունայթեդի» սկաուտները ներկա են եղել հանդիպմանը։

«Գիտեի, որ «Մանչեսթեր Յունայթեդի» սկաուտները ժամանել էին իմ խաղը դիտելու համար, սակայն կարծում եմ, որ այսպիսի հանդիպումից հետո այլեւս հետաքրքիր չեմ նրանց։ Վերջին տարիների վատագույն խաղս էր։

Լրացուցիչ ճնշում չեմ զգացել։ Եթե ուժեղ ֆուտբոլիստ ես, ապա պետք է կարողանաս քեզ դրսեւորել ցանկացած խաղում։ Չեմ ցանկանում մտածել սկաուտների մասին։ Կենտրոնացած եմ միայն «Սպարտակում» ելույթներիս վրա»,- Օզբիլիսի խոսքը մեջբերում է Sport-Express-ը։

Հիշեցնենք, որ «Սպարտակը» «Կռիլյա Սովետովին» հաղթել էր Հայաստանի հավաքականի հարձակվող Յուրա Մովսիսյանի խփած միակ գոլի շնորհիվ։ Օզբիլիսը մոսկովյան ակումբի մեկնարկային կազմում խաղացել էր 77-րդ րոպեին։

Շահեն٠Եդիգարյան, ArmLur.ru