Կատալոնական «Բարսելոնայի» ղեկավարությունը մոտ է թիմի գլխավոր մարզիչ Խերարդո Մարտինոյին պաշտոնանկ անելուն, փոխանցում է Mundo Deportivo-ն։

Ղեկավարությունը դժգոհ է թիմի վերջին արդյունքներից։ Իսպանիայի չեմպիոնը հրաժեշտ է տվել Չեմպիոնների լիգային՝ քառորդ եզրափակիչում զիջելով Մադրիդի «Աթլետիկոյին»։ Բացի այդ, Պրիմերայում կատալոնացիները երկրորդ տեղում են։ «Բարսելոնայի» ղեկավարությունն անհաջողությունների գլխավոր մեղավորն է համարում արգենտինացի մասնագետին։

Ավելի վաղ կատալոնական ակումբի նախագահի ժամանակավոր պաշտոնակատար Խոսեպ Մարիա Բարտոմեուն հայտարարել էր, որ Մարտինոն մինչեւ 2015 թվականը չի հեռանա «Բարսելոնայից»։ 

Մանուել٠Թամազյան, ArmLur.ru