«Պարի Սեն Ժերմենի» գլխավոր մարզիչ Լորան Բլանը չի գլխավորի «Մանչեսթեր Յունայթեդը»: Այս մասին հայտնում է «Le Parisien»-ը եւ հավելում, որ գլխավոր պատճառը Բլանի օգնական Ժանա-Լուի Գասեի մերժումն էր, որից հետո 48-ամյա մասնագետը չի ցանկացել առանց իր օգնականի գնալ «Մանչեսթեր Յունայթեդ»:

Դավիդ Մոյեսի հեռացումից հետո «Մանչեսթեր Յունայթեդի» ղեկավարությունը դիտարկում էր Լորան Բլանի թեկնածությունը եւ պատրաստ էր առաջարկել պայմանագիր մինչեւ 2016 թվականը: Կողմերն անգամ հանդիպել են, սակայն Բլանը նշել է, որ չի ցանկանում գլխավորել մանչեսթերյան թիմը:

Հիշեցնենք, որ 2001-2003 թվականներին ֆրանսիացի մասնագետը, որպես ֆուտբոլիստ, հանդես է եկել «Մանչեսթեր Յունայթեդում»:

Արման٠Հարությունյան, ArmLur.ru