Այս գարունը, կարծես թե, բեղմնավոր է հայկական շոու-բիզնեսի ներկայացուցիչների համար: Երևանյան բացօթյա ռեստորաններից մեկում այսօր տեղի ունեցավ երգչուհի Գոհար Հովհաննիսյանի 2-րդ ձայնասկավառակի շնորհանդեսը:

Ձայնասկավառակի աշխատանքները բավականին կարճ են տևել: «Ձայնասկավառակը ստեղծվել է մի քանի ամսում. եղել է, որ մեկ ամսում 2-3 երգ եմ ձայանգրվել: Այն կոչվում է «Հայ ֆիդայիներ», որի համանուն երգը ներգրավված է ալբոմում: Միշտ երազել եմ կատարել այդ երգը»,- ESem.am-ին ասաց հուզված Գոհարը: Ձայնասկավառակում ընդգրկված է 11 երգ, որից ոչ մեկը Գոհարն առանձնացնել չկարողացավ: «Յուրաքանչյուրն ինձ համար թանկ է, որովհետև ամեն մեկն իր պատմությունն ունի»,-նշեց երգչուհին և հայտնեց, որ պատրաստվում է համերգային շրջագայության, որը, հավանաբար, կսկսվի Հայաստանի մարզերից, այնուհետև կմեկնի արտերկիր:

Երգչուհուն շնորհավորելու էին եկել Դավիթ Ամալյանը, Լեյլա Սարիբեկյանը, Կամո Սեյրանյանը, Անահիտ Շահբազյանը, Աննա Խաչատրյանը, Աիդա Սարգսյանը, Վարդան Բադալյանը, Ջոնի Կարապետյանը, «4 տարբերակ»-ի աղջիկները` Գոհարը, Նարինեն, Քնարիկը և Դավիթ Զաքարյանը, ով ներկաներին ողջունեց իր երգով: 

Esem.am

(Մանուել), ArmLur.ru