Մայիսի 17-ից մեկնարկել է «Թանգարանների գիշեր» համաեվրոպական միջոցառումը: Slaq.am-ի լրագրողը զրուցեց Սոնա Շահգելդյանի հետ` պարզելու, թե որ մշակութային կենտրոնում է նա եղել վերջին անգամ, ինչ գիրք է կարդացել և որ երկրի մշակույթն է իրեն ավելի հոգեհարազատ:

- Մասնակցելո՞ւ եք այսօր կամ վաղը «Թանգարանների գիշեր» համաեվրոպական միջոցառմանը, այցելելո՞ւ եք թանգարաններ:

- Այո: Ընդհանրապես սիրում եմ թանգարաններ և այլ ճանաչողական վայրեր այցելել: Մշտապես մասնակցել եմ Թանգարանային գիշերին, քանի որ շատ եմ սիրում պատմություն «մանավանդ, որ տատիկս էլ պատմության ուսուցչուհի է»:

- Ո՞ր թանգարանում (մշակութային այլ օջախում) եք եղել վերջին անգամ:

- Գնացել եմ Էրեբունի թանգարան, վերջին համերգը, որին ներկա էի, Շառլ Ազնավուրի համերգն էր: Ինչպես նաև ներկա եմ եղել Սիրո Կամուրջ և Կառավարական համերգ ներկայացումներին. առհասարակ, սիրում եմ մասնակցել նման միջոցառումների:

- Ձեր կարդացած վերջին գիրքը ո՞րն է եղել:

- Անկեղծ ասած առաջ ավելի շատ էի կարդում, քան հիմա, քանի որ հիմա ավելի զբաղված եմ: Վերջին կարդացածս գիրքը Հախվերդյանի կյանքի մասին էր: Ունեմ նաև մի գիրք, որը համաշխարհային աստղերի մասին է. ժամանակա առ ժամանակ դա էլ եմ կարդում:

Շահեն٠Եդիգարյան, ArmLur.ru