Ֆրանսիական ՊՍԺ-ն առաջարկ է պատրաստում Լոնդոնի «Չելսիի» կիսապաշտպան Էդեն Ազարի համար, տեղեկացնում է Goal.com-ը:

Փարիզցիները պատրաստ են բելգիացու փոխարեն «ազնվականներին» զիջել Էդիսոն Կավանիին ու վճարել հավելյալ գումար:

Անգլիական ակումբն առայժմ չի տվել պատասխան:

ՊՍԺ-ն մի քանի անգամ կատարել է Ազարին ձեռք բերելու փորձեր:

Բելգիացու հարաբերությունները սրվել են «Չելսիի» գլխավոր մարզիչ Ժոզե Մոուրինյոյի հետ՝ Չեմպիոնների լիգայի կիսաեզրափակիչի «Ատլետիկոյի» հետ խաղին հաջորդած Ազարի հարցազրույցից հետո:

Հիշեցնենք, որ ֆուտբոլիստը քննադատել էր թիմի խաղաոճը:

Արման٠Հարությունյան, ArmLur.ru