Դորտմունդի «Բորուսսիայի» կիսապաշտպան Մարկո Ռոյսի գործակալ Դիրկ Հեբելը հերքել է մամուլում շրջանառվող այն լուրերը, որոնց համաձայն` իր հաճախորդի տրանսֆերի վերաբերյալ բանակցություններ է վարում Մյունխենի «Բավարիայի» հետ:

«Մենք «Բավարիայի» հետ ոչ մի բանակցություն չենք վարել»,-Հեբելի խոսքը մեջբերել է «Bild»-ը:

Դորտմունդյան թիմի սպորտային տնօրեն Միխայել Ցորկն իր հերթին հայտարարել է, որ ամեն ինչ անելու են Ռոյսի հետ պայմանագիրը երկարաձգելու համար:

«Մենք անպայման կփորձենք Ռոյսին պահել հնարավորինս երկար ժամանակ: Նա մեզ համար շատ կարևոր ֆուտբոլիստ է: Մարկոն պարզապես «Բորուսսիայի» խաղացող չէ, նա, կարծես, ակումբի դեմքը լինի»,-ասել է Ցորկը:

Հավելենք` Մարկո Ռոյսի` «Բորուսսիայի» ղեկավարության հետ գործող պայմանագիրը կորցնելու է վավերականությունը 2017 թվականին, ֆուտբոլիստի ծառայություններով հետաքրքրված ակումբների թվում են` «Բավարիա», «Արսենալ», «Բարսելոնա», «Մանչեսթեր Յունայթեդ»:

Արման, ArmLur.ru