Դերասան Սամվել Թոփալյանը շուտով հանդես կգա նոր բազմասերիանոց ֆիլմում: 16 մասից բաղկացած «Փրկագին» հեռուստասերիալում դերասանը մարմնավորել է գլխավոր հերոսներից մեկին` Տիգրանին, ում սիրած աղջկան փախցնում են: Ինչպես Սամվելը նշեց, ֆիլմում տվայտանքների և փնտրտուքի մեջ է: 

«Փրկագնի» նկարահանումներն արդեն ավարտվել են: Ամենայն հավանականությամբ, այն եթերում կլինի ապրիլին:

Տևական ժամանակ սերիալներում չխաղալը, ըստ Սամվելի, հատուկ միտում չի ունեցել: «Դադարն ակամայից ստացվեց»,- ասաց նա և հավելեց, որ հանդիսատեսն իրեն կարող է տեսնել թատրոնի բեմում: Դերասանն այս շրջանում շարունակում է ներկայանալ Գոյ և Մալյան թատրոններում, «32 թատրոնում»: «Հանդիսատեսը միշտ կարող է տեսնել ինձ թատրոնում: Թատրոն գալու լսարանը հաստատ ավելի մեծ հաճույք կստանա,- ասաց դերասանը, ով համաձայն է, որ սերիալների միջոցով դերասաններին ճանաչելով, հանդիսատեսն այսօր ավելի շատ է թատրոն գնում: -Դա սերիալի դրական կողմերից մեկն է»:

(Մանուել), ArmLur.ru