Լոնդոնի «Արսենալի» պաշտպան Բակարի Սանյան պայմանագիր է ստորագրել «Մանչեսթեր Սիթիի» հետ:

Ինչպես հայտնում է Daily Star-ը, ֆրանսիացի ֆուտբոլիստը եռամյա պայմանագիր է ստորագրել չեմպիոնների հետ եւ վաստակելու է շաբաթական 140 հազար ֆունտ ստերլինգ աշխատավարձ:

Հարկ է նշել, որ «Մանչեսթեր Սիթին» «զինագործներին» տրանսֆերի համար գումար չի վճարել եւ ֆուտբոլիստին ձեռք է բերել՝ որպես ազատ գործակալ:

Հավելենք, որ անգլիական Պրեմիեր լիգայի 2013/14 մրցաշրջանում մասնակցել է 35 հանդիպման՝ դառնալով 1 գոլի եւ 4 գոլային փոխանցման հեղինակ:

Շահեն٠Եդիգարյան, ArmLur.ru