Արմավիրի մարզի ընդհանուր իրավասության դատարանում Վահե Խալաթյանի նախագահությամբ, տուժողի հետ հաշտության հիմքով կարճվել է Շոթա Մարտիրոսյանի գործի վարույթը, և դադարեցվել է նրա նկատմամբ քրեական հետապնդումը:

Արմավիրի մարզի Արշալույս համայնքի 54-ամյա բնակիչ, ֆիզիկապես վատառողջ, երրորդ խմբի հաշմանդամ, խնամքին 4 անձ ունեցող Շոթա Մարտիրոսյանը մեղադրվել է տուժողի առողջությանը դանակով թեթև վնաս հասցնելու համար:

Ըստ մեղադրանքի՝ 2014 թվականի հունվարի 1-ին, առավոտյան ժամը 6-ն անց 30-ին Շոթան գտնվել է հարևանուհու տանը՝ «ամանորի տոնի կապակցությամբ»:

«Վաղորդյան» սեղանի շուրջ հարևանուհու որդիների ու նրանց ընկերների հետ նստած Շոթան բաժակաճառ է ասել, իսկ երիտասարդները նրան չեն լսել…

Շահեն٠Եդիգարյան, ArmLur.ru