Newmag.am

Խաղում է գիշեր-ցերեկ, օրեր ու շաբաթներ:

Սմարթֆոնով ընթերցում է նորաձևության ամսագրեր:

Լսում է աուդիոգրքեր. վերջին ընթերցած էլեկտրոնային գիրքը` «Աննա Կարենինա»:

Ընտրում է ֆիլմեր «Kinopoisk» հավելվածից:

Սարքերը պաշտպանում է գաղտնաբառով:

«Հայ սուպերսթար» նախագծի հաղթողը նախընտրում է «Apple» ապրանքանիշը, բայց էփլաման չէ: «IPhone 4S»-ն ու iPad-ը նվեր են, սարքերը թարմացելու անհրաժեշտությունը չի տեսնում, բայց որոշեց` «iPhone 6»-ի` շուկայում հայտնվելուց հետո 4S-ը փոխարինել կծած խնձորի 6-րդ սերնդով:

2014-ին Հայաստանը «Նոր ալիք» մրցույթում ներկայացնող երգչուհին թուլություն ունի մոբայլ խաղերի նկատմամբ: Խաղում է գիշեր-ցերեկ, օրեր ու շաբաթներ: Նա այն եզակիներից է, որոնք սմարթֆոնում ունեն թույլ գրաֆիկայով Flappy ճնճղուկին: Խաղը հեռացվեց մարկետներից, բայց ճնճղուկը շարունակում է թռչկոտել Սոնայի սմարթֆոնում:

««Flappy Bird»-ը խաղալիս գիշերները չէի քնում, ռեկորդներ ունեմ: Անիմաստ խաղ է, բայց ոչ մի կերպ չեմ կարողանում կտրվել: Պարտվելիս լրացուցիչ կյանքեր չի տալիս: Պարտվեցիր, ուրեմն պետք է ամեն ինչ սկսել սկզբից»:

Ժամանցի ու զվարճանքի համար` «Voice Changer»: Այս հավելվածի օգնությամբ Սոնան կարողանում է տարբեր համարներից զանգահարել իր ընկերներին ու նրանց խաբել: Հավելվածը անվճար տրամադրում է երկու րոպե:

«Ընկերներիս հոգու հետ եմ խաղում, տարբեր տարօրինակ համարներից զանգահարում եմ ու նրանց ռեակցիան եմ ստուգում ու, ամենակարևորը, զանգահարում եմ «գոլդ» համարներից»,- պատմում է երիտերգչուհին:

Սոնայի պլանշետում դասական երաժշտությունը պարտադիր է: Յոհան Սեբաստյան Բախ. անվճար հավելվածում ներկայացված է 4 կատարում, ավելին ունենալու համար պետք է վճարել: «Meloman»-ից էլ, առանց ինտերնետ միացման, երգչուհին լսում է բոլոր այն երգերն ու կատարումները, որոնք ունի VK ցանցում:

Շահեն٠Եդիգարյան, ArmLur.ru