«Մանչեսթր Յունայթեդի» գլխավոր մարզիչ Լուի վան Գալն ասել է, որ հարձակվող Ռադամել Ֆալկաոյի կազմ վերադառնալը պետք է լրացուցիչ խնդիրներ ստեղծի հարձակման գծում իր մրցակից Ռոբին վան Պերսիի համար:

«Իմ թիմում յուրաքանչյուր խաղացող պետք է պայքարի իր դիրքի համար, և ես միշտ խաղադաշտ դուրս կբերեմ լավագույններին՝ հաշվի առնելով ֆուտբոլիստների համադրությունը: Այնպես որ վան Պերսիի նկատմաբ ճնշումն ուժեղացնելը Ֆալկաոյի հիմնական պարտականությունն է»,- ասել է վան Գալը: