Գիշերը Վանաձորի Սունդուկյան 37 հասցեի բնակիչ 37 տարեկան Նորայր Բարսեղյանը, եղբոր երեխաների՝ 17 և 21 տարեկան Մերի և Արարատ Բարսեղյանների հետ վիճաբանության արդյունքում իր վրա բենզին լցնելով, մոտեցել է գազօջախին և ինքնահրկիզվել: Բռնկված հրդեհից այրվել են նաև զարմիկն ու զարմուհին: Մինչ ԱԻՆ վարչության անձնակազմի՝ դեպքի վայր մեկնելը հրդեհն արդեն մարված է եղել: Երեք տուժողները տեղափոխվել են Վանաձորի հիվանդանոց:

Նորայր Բարսեղյանը ծանր վնասվածքներով՝ դեմքի, ձեռքերի երկրորդ, երրորդ աստիճանի այրվածքներով, տեղափոխվել է Երևան, իսկ եղբոր երեխաներին, որոնք թեթև այրվածքներ են ստացել, ցուցաբերվել է ամբուլատոր օգնություն: Նրանք հրաժարվել են ստացիոնար բուժումից և վերադարձել են տուն:

Մերիի և Արարատի ասելով՝ հորեղբայրը պատահաբար է մոտեցել գազօջախին, մինչդեռ, հորեղբոր ասելով, ինքնահրկիզվել է նրանց դրդմամբ:

(Մանուել), ArmLur.ru