Մասնագետները վստահեցնում են, որ անձամբ օգտատերը կարող է ազատվել իր վատ տրամադրությունից, սակայն միևնույն ժամանակ նա «կվարակի» դրանով մյուս օգտատերերին, որոնք կկարդան այդ գրառումը, նշում է «Комсомольская правда»-ն։

 

Մխիթարում է միայն մի բան՝ սոցկայքերի «վարակիչ» հատկությունները տարածվում են ոչ միայն բացասական հույզերի վրա, այլ նաև դրական։ Այսինքն՝ սոցկայքերում սեփական դժբախտություններով և տխրությամբ կիսվելը ցանկալի չէ, իսկ ահա «վարակել» ընկերներին դրական հույզերով ողջունելի է։

 

Facebook-ում համակարգչային ծրագրի օգնությամբ վերլուծել են մոտ 1 մլն օգտատերերի ավելի քան 1 միլիարդ հաղորդագրություններ՝ սկսած 2009-ից մինչև 2012թ. մարտ, և եկել են այն եզրահանգման, որ գոյություն ունի դոմինոյի էֆեկտ։

 

Բացասական գրառումն առաջացնում է նմանատիպ բացասական գրառումներ այն օգտատերերից, որոնք կարդացել են առաջին գրառումը։ Յուրաքանչյուր բացասական գրառում ընկերների մոտ առաջացրել է միջին թվից 1.29-ով ավելի բացասական արձագանք։

 

Յուրաքանչյուր դրական գրառման դեպքում թիվը գրեթե 1.5 անգամ բարձր է եղել՝ 1.75։ Ընդ որում՝ անձամբ հետազոտողները կարծում են, որ հույզերի փոխանցման հատկությունը սոցկայքերում ստացված արդյունքներից ավելի բարձր է։