Դորտմունդի «Բորուսիայի» գլխավոր մարզիչ Յուրգեն Կլոպը եւ պաշտպան Էրիկ Դուրմը խոսել են Հայաստանի հավաքականի կիսապաշտպան Հենրիխ Մխիթարյանի՝ Մյունխենի «Բավարիայի» դեմ Գերմանիայի առաջնության 30-րդ տուրում ցուցադրած խաղի մասին։

«Կարծում եմ՝ հիանալի է, որ Մխիթարյանը կարողացավ աչքի ընկնել։ Անկասկած, դա կօգնի նրան հետագայում։ Թվում է, որ երբեմն Հենրիխն իր վրա ծանր բեռ է տանում»,- Կլոպի խոսքը մեջբերում է Der westen.de-ն։

«Բավարիայի» դեմ խաղում փորձում էի կանգնեցնել Արյեն Ռոբենին, իսկ Մխիթարյանն ինձ շատ էր օգնում՝ փակելով ազատ գոտիները»,- Դուրմի խոսքը մեջբերում է Kicker-ը։

Հիշեցնենք, որ «Բորուսիան» երեք անպատասխան գնդակ է ուղարկել մյունխենցիների դարպասը։ Հենրիխ Մխիթարյանը մասնակցել է ամբողջ հանդիպմանը։ 25-ամյա ֆուտբոլիստը 20-րդ րոպեին դարձել է գոլի հեղինակ՝ բացելով խաղի հաշիվը։

Արման٠Հարությունյան, ArmLur.ru